ජාත්‍යන්තර ක්‍රිකට් කවුන්සිලය හෙවත් අයි.සී.සී. ය මගින් 2015 දෙසැම්බර් 15 දින සිට 'තහනම් උත්තේජක' චෝදනාවක් මත පදනම් වෙමින් කුසල් ජනිත් ක්‍රීඩකයාට තරග තහනමක් පනවනු ලැබීය.බොහෝ දෙනෙක් කුසල් ජනිත් දිහාව සැකයෙන් බැලුවත් එදාත් අප පැවසුවේ වරදක් නොමැති බවත් ඇත්තේ අයි.සී.සී කුහකත්වය බවත්ය.
මේ ශ්‍රී ලාංකික ක්‍රිකට් ක්‍රීඩකයින් අයි.සී.සී. ගොදුරු බවට පත් වූ පළමු අවස්ථාව නොවේ.එදා මුත්තයියා මුරලිදරන්ට,සචිත්‍ර සේනානායකට අයි.සී.සී. කුහකත්වයට මේ ආකරයෙන්ම මුහුණ දීමට සිදු විය.එවකට මෙන්ම වර්තමානයේත් ක්‍රීඩා භාර මහ ඇත්තෝ මෙම සිදු වීම් දාමය දෙස අයි.සී.සී. යට සිදු වූ අත් වැරදීම් ලෙස උපේක්ෂාවෙන් බලයි නම් මීළගට ශ්‍රී ලංකාවෙන් මතු වන ක්‍රිකට් අංකුරටද අත් වන්නේ මේ ඉරණමයි.
ක්‍රීඩාව භාර බලධාරීන් ක්‍රිකට් වේවා කවර ක්‍රීඩාවක් හෝ වේවා ශ්‍රී ලාංකේය ක්‍රීඩකයින් ගොදුරු බවට පත් කරගැනීමට වහා එරෙහිව ක්‍රියා මාර්ග ගත යුතු කාලය එළබ තිබේ.ජාත්‍යන්තර ක්‍රිකට් කවුන්සිලයට විරුද්ධව වහාම අපහාස වන්දි නඩුවක් පවරා කුසල් ජනිත්ටත්, ලාංකේය ක්‍රීඩාවටත් වූ අගෞරවයට නිවැරදි කිරීමක් කරවා ගැනීම අත්‍යාවශ්‍ය වන බව අප තරයේ සදහන් කරන්නෙමු.
ඉෂාර ලක්මිණ
No comments:
Post a Comment